還記得港星「阿燦」嗎?做過傳銷、賣過叉燒,落難時發哥同華仔給千萬支票都唔要,現在的生活竟然是這樣過.

weiwei11     2016-12-09     檢舉
Sponsored Links

做過傳銷、賣過叉燒,廖偉雄(阿燦)多年來搞過不少飲食生意,但最後都損手爛腳,試過孭落一身街數,要破產收場。

失敗,並不代表放棄。今年 58歲的他終於學精,唔再揼錢,寧願在一間農業生物科技公司打工,每月幾萬蚊人仔做總經理。除了發展有機農務外,現時他更主力搵靚水源、建酒廠、釀米酒。阿燦和太太更帶本刊記者上廣州,視察水廠工程進度。

經歷無數起跌,阿燦睇得好化,他捉住老婆隻手對記者說:錢夠使就得喇!

定居廣州的阿燦,由太太楊慧玲陪同來港,為有線拍攝《食出五味人生》。之後阿燦和太太搭直通車返廣州,順道帶本刊記者採訪他們平日的生活。在短短兩小時的車程,阿燦道盡三十年來的辛酸。

Sponsored Links

阿燦在直通車上透露多年來咬緊牙關還債,06年先還完,要多謝老婆默默支持。

Sponsored Links

早前阿燦為有線節目到過正生書院探訪學生,記者留意他面對鏡頭依然自然。

發哥開千萬支票

94年,阿燦毅然減產,叉只腳入商界話要大展拳腳。雖然滿腹大計,但衰嘢接二連三,結果搞到破產,連阿媽的棺材本也要攞埋去還債。阿燦說:「以前喺香港買落慨樓同車,都因為還債賣曬喇!依家乜都放低,否則我一早燒炭自殺。」他說當時周潤發和劉德華也曾先後給他一張上限一千萬的支票,但阿燦選擇靠自己走出逆境。

近年阿燦主攻國內,自家有機品牌「阿燦米」銷售成績不俗,故此他雄心再起,成為「香港豐智碧全農業生物科技有限公司」的總經理,以月薪加分紅制搞米酒,他說:「錢夠使就得喇!呢份工好有意義,教中國農民種有機植物,唔淨止做耕田佬。」

Sponsored Links

既然有大財團力撐,阿燦滿腹大計,搵靚水源加入自家有機米釀酒,「大家一直認為米酒只用嚟拜神,唔上得大場面。不過公司收購咗一個無污染山泉,用呢種泉水加埋自家有機米,足足用五斤米先可以釀成一斤酒。所以要尊稱呢啲做『米液』。」「阿燦米液」成功與否仍是未知之數,但記者跟隨阿燦視察過釀酒廠,發現酒廠發展十畫未有一撇,看來這條「米液」之路,將會很漫長。

無污溪水

Sponsored Links

由廣州車站坐了個多鐘頭車,終於到達阿燦口中的「泉水」,其實所謂的泉水只是天然溪水。

簡陋茅屋

山溪旁邊設了兩間簡陋茅屋,用來貯藏溪水。不過記者發現屋內儀器欠奉,只有一個工人維修地板。

廠房百無

Sponsored Links

茅屋後面就是廠房,不過現時廠房百無,只見數名裝修工人等嘢做,而屋頂就掛了工人的衣服。

佔地龐大

廠房連茅屋佔地相當大,霸半個山頭,可惜與廣州市的距離頗遠,唔就腳。

曾和太太打交

阿燦為生意東奔西走,曾經疏忽家人, 02年更曾傳出夫妻婚變,太太為情自殺。此時阿燦捉實太太隻手,說:「咁多年前慨嘢唔想再提,但自殺真系冇得求證。總之我哋兩公婆結婚三十年一定鬧過交,仲打過交㖭!」

Sponsored Links

床頭打交床尾和,現時阿燦和太太定居廣州,「千幾呎都系租三千蚊人民幣,朋友租俾我慨,廳房大之餘仲有露台!仔女都大曬喇!阿女舊年仲結埋婚,喺新加坡開飲食學校。阿仔就喺大馬做酒店管理,久唔久嚟探我哋,我都有地方俾佢哋瞓。」雖然阿燦似乎享受在商場打仗,但他仍希望拍劇,「我會再返娛樂圈,將自己過去廿年來上上落落慨人生經歷放喺戲劇上。」

~

內容未完結,請點擊「第2頁」繼續瀏覽。